လံက်ဂြိၚ်စၚ်မုဟ်မည်ကမၠောန်ကလော်သရာဲNLD
မမာဲမန်ပိုဲလပါ်ဒေသပွိုၚ်ဍုၚ်လ္ၚဵုလ္ၚဵုတံဂှ် ညံၚ်မမာဲမန်တံဂွံစိုပ်အာပ္ဍဲတဲဗော် NLD မာန်ဂှ်လေဝ် နဲကဲနာနာ ဓဝ်ပတေဟ်နာနာ ပၠေတ်ဂြိၚ်လံက်မုက်မတ်ဂကူမန်ကွာန်မန်လ္ၚဵုလ္ၚဵုတံဂှ်တုဲ စၚ်ပထောၚ်ကေတ်မုဟ်ဓဇက်ထပၠုပ်ဏာကွဳလောဲလောဲအိုတ်ရ။
ဍေံကျိုၚ်ကယျိုၚ်မန်ရ − ဍေံထ္ၜးရုပ်ဨကရာဇ်ဗြဴမိစဴဗုရ− နဲကဲနာနာသာ် ညံၚ်ကောန်ဂကူမန်ပိုဲ ဂွံလျိုၚ်ဇြုၚ်သ္ဍိုက်စေတနာလ္တူဍေံဂှ်တုဲ ပၠေတ်လဝ်ဂြိၚ်ကွာန်မန်လ္ၚဵုလ္ၚဵုတံဗွဲမဂၠိုၚ်ရ၊ ကောန်ဂကူမန်လ္ၚဵုတံဂှ်လေဝ် ညံၚ်ရဴကလော်သုဂျဳလုပ်ဂွံပ္ဍဲစိုတ်တေံတုဲ သီုဖျုန်ဇုတ်ဆီပတိုဟ်စၞာံ အလုံခန္ဓ(၃၂)ဖအိုတ်ဂှ်လေဝ် ဒှ်အာကလော်မဂဳသုဂျဳဂှ်ဖအိုတ်တုဲ မှာထေရ်အာရဟံလေဝ် တံၚ်ဂြဲရီုကေတ်ဟွံမာန်အိုတ်ရ။
ဟိုတ်ဒှ်သာ်ဂှ်တုဲ မမာဲဗော် NLD တံညံၚ်ဂွံဂၠိုၚ် ညံၚ်ဟွံဒးပံၚ်တောဲကဵုဂကောံဗော်ဍောတ်တ်သောဲသောဲတံတုဲဟေၚ် နဲကဲနာနာစုၚ်ဇဳ ဗော်ညးတံစှ်ေစန်ဒက်မံၚ်အကြာကွာန်မန်ဒေသမန်ပိုဲဂှ် ဣဏံဆဵုဒးတုဲ ဒးထေဲကဵုမဂဵုသုဂျဳဂှ်ဟာ ဟွံသေၚ်တှ်ေ ဒးဃံက်က္ဍိုပ်ကောန်ကူမန်ဒေသကွာန်လ္ၚဵုတံၜါပိတုဲဂှ်ခိုဟ်ဟာ၊ ချပ်ဂၠိုၚ်က္ဍိုပ်သံက်အာဟဂှ်ရလေဝ်။
အိုတ်ကၞောတ်သရောပ်ထောံဝၚ်ပရေၚ်ရုဲမာဲဏံဏောၚ်ဟီုတှ်ေ တာလျိုၚ်ညးကဵုညးကၠောန်ညံၚ်ဂွံပြေံပြံၚ်မာန်ဂှ် ဇၟာပ်ညးအဲထေက်ကဵုဒးတီ ထေက်ကဵုဒးကၠိုဟ်ကၠးလဝ်အိုတ်တုဲ သွက်ညးဟွံကၠိုဟ်ဟွံတီတံဂှ်လေဝ် သွက်ညးတီတံဂှ်ပၠန် လ္ပမံၚ်သ္ၚိတ်ညံၚ်ရဴနာ်ယာလဝ်ဂၞော်ပ္ဍဲသီဘာဂှ်အိုတ်ညိ၊ ဒးစှ်ေဒေသသၟဝ်တိလ္တူကျာ စန်ဒက်ပသောၚ်လဴကဵုသွက်ညးဟွံတီဟွံကၠိုဟ် သီုကဵုရဲကလော်သုဂျဳလုပ်မံၚ်တံဂှ်ဖအိုတ်တုဲ မမာဲမန်ပိုဲဖအိုတ်ဂှ် ညံၚ်ဂွံဒှ်ၚုဟ်မးမမာဲသွက်ဗော်မန်ပိုဲဖအိုတ်မာန်တုဲ မန်ဟေၚ်ရဒးချပ် − မန်ဟေၚ်ရဒးဟီု − မန်ဟေၚ်ရဒးကၠောန်ကေတ်ကေတ်ရ။
(ချပ်−ဟီု−ကၠောန်)ဂါထာပိမဏံဟေၚ် ကုသဵုမန်ပိုဲဇေတ်ဇေတ်ရ)
ယဝ်ဟွံလီစၞာဲ ယဝ်ဟွံမွယ်ကဵုပြယာဲမ္ဂးတှ်ေ ဣဏံဂကူဗၟာဇေတ်ဇေတ်ဟွံသေၚ်ရဂှ်သမ္တီလဝ်အိုတ်ညိဏးကောန်ဂကူရာမညတအ်။
( ဝိညာဏ်ထဝ် − မန်ထေန် )
