วันพุธที่ 30 มิถุนายน พ.ศ. 2564
วันพฤหัสบดีที่ 24 มิถุนายน พ.ศ. 2564
ဝတ္ထုဒမၠေအ် (ခၟာဲကသွက်လဓဳ)
ဝတ္ထုဇမၠေအ်−( ခၟာဲကသွက်လဓဳ )
အေမဂဳပိုဲ လၟုဟ်ရအဲကၠုၚ်နူဍန်က ဂွံနၚ်ကဟပိုၚ်မွဲဒုတ်ခိုဟ်ဗှ်ေ၊ ဗဂါပ်သဝ်တ္ၚဲဏံတှ်ေ က္ဍိုပ်ဍေံဗုၚ်ဍေံ ကပေါတ်ပ္ဍဲဍေံဂှ် ဍုန်သွမြေက်ဍေက်ဍေက်ဖျးဖျးဏးမဂဳ၊ ဖျုန်သှ်ေမံၚ်တံဂှ် ဂွပ်လဝ်ၜဵုတုဲ စဲထောံသ္ပကဟကှ်။
လဓဳဂှ်ဗ္ကန်လဝ်ကဵုဗြဴဇကုတုဲ ကွာ်စှ်ေအာလပါ်ပြၚ်ၜဳ အာကျောဝ်ဂၠုၚ်ပလေဝ်ကပေါတ်နာနာပ္ဍဲဂၠုၚ်တေံရ။
လပါ်မဂဳနွံပ္ဍဲသ္ၚိဏံဂှ်ပၠန်လေဝ် ဟွံမံၚ်လံဂစာန်ကၠောန်ကကရေက်ဗုၚ်တုဲ ပ္ဍဲဗုၚ်ကဂှ် နွံမံၚ်မွဲဒါန်တၟာကအ်တဲဍာဲယောပ်မံၚ်ပ္ဍဲဗုၚ်က− မဂဳဂှ်ရပ်ကေတ်ခိုဟ်ခိုဟ်ဖေက်ခၟာဲကဂှ်ထ္ကးအာတုဲ စုတ်လဝ်ကဵုပ္ၚာၚ် ကာလဍာ်သွတူမှ မဂဳဂှ်ထောံဖျေံခၟာဲကပ္ဍဲထၟာဲသွဂှ်သိုက်သိုက်သာသာ ။
ဟွံလံဟေၚ် သွလေဝ်စိန်ပုၚ်လဝ်ဝုန်ဒးဂစပ်တုဲ လဓဳဂှ်တိုန်ကၠုၚ်နူသၞေဟ်ဂၠုၚ်စိုပ်ကၠုၚ်သ္ၚိသွက်ဂွံစပုၚ်သွဗဂါပ်သဝ်တ္ၚဲဂှ်ရ၊ ထဝါဲဂှ် မဂဳတုက်ကေတ်ခၟာဲကဍာဲဍာဲကဵုလဓဳဂှ်စကၠာ၊ −− အေလဓဳပိုဲ ကဍန်ဂွံနၚ်ဂှ် ခၟာဲဍေံဒုတ်ဍာဲယောပ်မံၚ်တၟာကံတဲ− အေညအ်လဓဳ။
မဂဳဂှ် ဟိုတ်နူစေတနာအးလ္တူလဓဳဇကုတုဲ တုက်ကဵုလဓဳဇကုစခၟာဲကဂှ်ရ၊ လဓဳဂှ်ပၠန် အဃောဗျဵုမံၚ်ရဂှ် မွဲသာ်ဟွံရံၚ် ရပ်ဂွံခၟာဲကဍာဲဍာဲဍန်ဍန်ဗက် ဟာပါၚ်ကိတ်စဓဝါဲဂှ်ရ။
ဟေမဂဳ ကျာအိက်နူလဵုရောမဂဳ −− ဓဝါဲဂှ်လဓဳတီ ဒဒှ်ရခၟာဲကဍာဲယောပ်မဂဳဍုန်လဝ်ဂှ် ဒှ်မံၚ်အိက်ကလောံတၟာကံတဲဏောၚ်သွံဟာဂှ် − ဝိုၚ်ပုၚ်ဂှ်လေဝ်ပြး မဂဳဂှ်လေဝ် ဒးတိုန်ရုၚ်ဂဥုဲ ။
စနူဂှ်တုဲ ပ္ဍဲကွာန်ဂှ် ယဝ်ဟီုစိုပ်အာလပါ်ခၟာဲကဏောၚ်တှ်ေ ညးတံဟီုဟတဵုဟရိုၚ်ဝေၚ်ညးသ္ကံ −− ဟေ မုခၟာဲကရောဗှ်ေ ခၟာကသ္ၚိတေန်ယှေန်တံဟာ ။
วันพุธที่ 23 มิถุนายน พ.ศ. 2564
วันอังคารที่ 22 มิถุนายน พ.ศ. 2564
วันพุธที่ 16 มิถุนายน พ.ศ. 2564
วันอังคารที่ 15 มิถุนายน พ.ศ. 2564
วันอังคารที่ 1 มิถุนายน พ.ศ. 2564
สมัครสมาชิก:
บทความ (Atom)